«Түндүк-Чыгыш» бажысы аркылуу жеңил унааны бажы төлөмүн төлөбөстөн Кыргыз Республикасына алып келүү фактысы аныкталды. Бул тууралуу Бажы кызматы билдирди.

Текшерүүдө унааны бөлүктөргө бөлүп, анын бөлүктөрү автотетик катары ар кайсы убакта, ар кимдин атына ташылып келгени ачыкталды. Андан кийин унаа Чүй облусунда кайра чогултулган.

Текшерүүнүн негизинде К.А.Г. аттуу жарандын 2015-жылы чыгарылган «Lexus GX460» унаасы камакка алынды. Анын төлөнбөгөн бажы төлөмү 1 млн 672 миң 528 сомду түздү. Материалдар Башкы прокуратурага өткөрүлүп берилди.

Булак: NazarNews.kg