Батыш өлкөлөрү Беларусь менен Орусияга каршы кеңири масштабдуу гибриддик согушту жүргүзүп жатат. Бул тууралуу ЖККУнун мааракелик саммитинин ачылышында беларус президенти Александр Лукашенко билдирди.

«Дүйнөлүк тартиптин бир полярдуу системасы артка кайтарылгыс нерсе, бирок жамааттык Батыш өз позицияларын сактап калуу үчүн айыгышкан күрөштү жүргүзүп жатат. Бардык каражаттар, анын ичинде биздин уюмдун жоопкерчилиги чөйрөсүндөгүлөр колдонулууда: батыш чек араларыбызга жакын жерде НАТОнун курал-жарактары менен мушташуудан баштап бизге каршы, биринчи кезекте Орусия менен Беларусияга каршы кеңири масштабдагы гибриддик согушка чейин», - деди ал.

Лукашенко белгилегендей, Беларустун Орусия Федерациясы жана ЖККУ менен альянска катышуусу Батыштагы потенциалдуу оппоненттерин тынчтандырды.

Анын айтымында, ЖККУга мүчө-өлкөлөрдүн лидерлеринин жолугушуусу НАТО «агрессивдүү түрдө булчуңдарын бекемдеп», бейтарап өлкөлөрдү өзүнө тартып, «ким менен бирге эмес» деген принцип менен аракеттенип жаткан дүйнөлүк кайра бөлүштүрүүнүн татаал мезгилинде өтүп жатат».

Лукашенко Вашингтон Украинадагы жаңжалды мүмкүн болушунча узартууну каалай турганын айтты.

«Мунун фонунда, чындап эле тынчтыкчыл ЖККУ карама-каршы көрүнөт», - деп эсептейт Лукашенко.

Ошол эле учурда ал азыр 19 мамлекет катышкан «Европаны коргоочу-2022» альянсынын машыгуулары жүрүп жатканына көңүл бурду. Польшанын территориясында миграциялык кризистин шылтоосу менен кошумча 15000 аскер, негизинен америкалыктар жайгаштырылды.

Ошондой эле, Лукашенконун айтымында, беларус бийликтери украин тараптын достук эмес саясатын жана өсүп бараткан коркунучту дайыма сезип турат.

Беларус президенти 2020-жылдагы шайлоодон кийин Украина Беларус менен өз ара аракеттенүү маселелеринде «эл айтып жүргөндөй, толугу менен Батыштын астында калганына» көңүл бурду.

«Украина бизге каршы активдүү түрдө санкцияларды киргизди, башкача айтканда, Батыш азырынча эч кандай санкцияларды киргизе элек, анын ичинде америкалыктар да. Муну биринчилерден болуп Украина жасады», - деп баса белгиледи ал.

Анын пикиринде, «улуттук коопсуздугубузга» коркунуч туудурган фактылар шексиз. «Атайын аскердик операция» баштала электе эле Беларус Батыш өлкөлөрүнүн Украинадагы аскерий активдүүлүгүн көрсөткөн.

«Украина курал-жарак менен толтурулуп жатат. Максаттар айкын. Орусияны мүмкүн болушунча алсыратып, алар айткандай, бул согушта чөгүп кетишин каалайт», - деди Лукашка.

Ошол эле учурда ал мындай кырдаалда эч ким сырттан карап отура албастыгына токтолду, анткени Батыш өлкөлөрү чыр-чатакты кеңейтүүнү каалайт.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg