Украинадан өз жарандарын чыгаруу үчүн Беларусь атайын операция жүргүздү. Бул тууралуу президент Александр Лукашенко билдиргенин Sputnik Беларусь агенттиги жазды.

Лукашенконун айтымында, Украинада бир жарым миң вагон жана жүздөй фура айдоочулары менен камакка алынган. Беларустун лидери Минск Киевге мындай кадамдардын кесепети болорун эскерткенин белгилеген. Натыйжада күч түзүмдөрү жарандарды чыгаруу боюнча операция жүргүзүүгө аргасыз болгонун айткан.

Президент оор жүк ташуучу унаалардын айдоочуларын куткаргандарды мамлекеттик сыйлыкка көрсөтүүнү тапшырган.

Орусия Украинага каршы согушту 24-февралда баштаган. Путин анын максаты "сегиз жылдан бери Киев режиминин басмырлоосуна, геноцидине кабылып келгендерди коргоо" экендигин айткан. Бул үчүн "Украинаны демилитаризация жана денацификация" жасап, Донбасстагы "жай жашоочулардын канына забын болгондорду" аскер сотуна берип, жоопкерчиликке тартуу пландалып жаткандыгын белгилеген.

Орусиянын Коргоо министрлиги куралдуу күчтөр соккуну Украина тараптын аскердик инфраструктуралары менен күч түзүмдөрүнө уруп жаткандыгын, жай жарандарга багытталбагандыгын билдирип келет.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg