Ирландиялык ММА мушкери Конор Макгрегор Орусиянын президенти Владимир Путинге Proper 12 вискисинин бир бөтөлкөсүн белек кылганын билдирди. Анын Москвада маалымат жыйында минтип айткан сөзүн Лента.ру жазып чыкты.  

Макгрегордун сөзүнө караганда, бул бренддин астында биринчи өндүрүлгөн бөтөлкө Путинге тийген. Макгрегор вискини уу бар-жогун текшерип көрүүсү үчүн орус лидеринин жан сакчыларына калтырган.

Эске салсак, Макгрегор Путин менен 2018-жылы футбол боюнча дүйнө чемпиондугу өтүп жаткан учурда жолуккан. Анда мушкер Путинди учурдагы эң улуу лидерлердин бири экендигин айткан.

Булак: NazarNews.kg