Кечээ, 7-ноябрда “Манас” эл аралык аэропортунда Бишкек-Стамбул каттамы бир сааттан ашык учпай кармалды. Бул кармалуунун себеби, мас абалындагы жүргүнчүлөрдү рейстен алып салуу болгон. Бул тууралуу “Манас” ААКынын басма сөз кызматынан билдиришти.

Белгилүү болгондой, лайнер учууга даярданып жатканда, аба кемесинин командири рейстен эки жүргүнчү алынып салууну чечти.

Мас кыздар аэропорттогу милиция кызматкерлери тарабынан учактан түшүрүлгөн.

Учак 7:00дө учуп кетмек,  бирок  8:19да учкан. Жүргүнчүлөрдүн жүктөрү рейстен алынган. Ал эми окуянын чоо-жайы такталып жатат.

Булак: NazarNews.kg