Өкмөттүн Талас облусундагы ыйгарым укуктуу өкүлү Марат Мураталиев жакынкы арада Ош облусуна кызматка которулат деген сөз тарап кеткен. Ага жооп кылып өкмөттүн Талас облусундагы өкүлү жооп кайтарды.

«Акыркы маалда, 2-3 күн болду. Мага көп тааныштарым, жергиликтүү тургундардан чалуулар келип жатат. Баары «Таластын губернаторун Ошко которот бекен?» деп суроо берип жатышат. Мындай маалымат каяктан чыкканын билбейм. «Баткенге кетет экенсиз. Жалал-Абадга кетирет экен. Ошко которот экен» деген маалыматтар чындыкка дал келбейт. Мен Таласта эле иштеп жатам. Эч жакка кетпейм, оюмда да жок. Кечээ күнү «Боо-Теректе чогулуп жатабыз, кетем десеңиз акцияга чыгабыз» деп чалышты. Анан бул сөздөрдү токтотуу максатында элге айтып жатам», — деди Мураталиев.

Булак: Факты.kg