Бүгүн, 4-сентябрда Жогорку Кеңештин жыйынында депутат Исхак Масалиев Украина менен согушуп жаткан Россияга колдоо көрсөтүүнү сунуштады. 

«Эки жылдан бери Украина менен Россиянын ортосунда аскердик аракеттер, согуш болуп жатат. Бүгүнкү күнгө чейин ал биздин союздашыбыз Россиянын ички иши болуп келген. Биз бейтарап позицияны карманып турганбыз, муну туура деп эсептейм. Бирок августтун аяктарынан баштап Россиянын 15 облусуна бомба ташталып, ракеталар учурулуп жатат. Ал жакта биздин 1 миллионго жакын балдар-кыздарыбыз эмгектенип жатат. Биз Жамааттык коопсуздук келишим уюму боюнча бир союздабыз. Сизге төрага, Коопсуздук кеңешинин мүчөсү катары кайрылат элем. Бул маселени терең изилдеп туруп, керектүү чечимдерди кабыл алып, колдошубуз керек», — деди ал.