Алар байыркы замандын сырларына ээ, сырдуу ырым-жырымдарды аткарышат жана, албетте, дүйнөнү башкарат. Масондордун глобалдык кутум түшүнүгү эң популярдуу теориялардын бири. Келгиле, масондор кимдер экенин жана эмне үчүн адамдар алардан дагы эле коркуп жатканын аныктап көрөлү.

Масондордон ким коркот?

2014-жылы ВЦИОМ жүргүзгөн сурамжылоого катышкандардын 45% "Мен жашыруун дүйнөлүк өкмөттүн бар экенине ишенем" деп айтышкан. Респонденттердин пикири боюнча, белгилүү бир уюм же адамдардын тобу көптөгөн мамлекеттердин бийлигинин аракеттерин көзөмөлдөп, дүйнөлүк саясатка таасир этет деп ырасташкан. Көптөгөн сурамжылоого катышкандар буга жөн гана ынанбастан, уюмдун курамына киргендердин атын да атай алышат. Эң популярдуу варианттар - саясатчылар, олигархтар жана масондор.

Жашыруун коомдорго болгон кызыгуу, ал тургай коркуу массалык маалымат каражаттарынын жардамы менен пайда болот. Орус маалымат каражаттарында масондор тууралуу материалдар тез-тез чыгып, аудиториянын дайыма кызыгуусун жаратат. Мисалы, REN TV телеканалынын жашыруун коомдор жөнүндө "Кызык бизнес" программасынын чыгышы YouTube'да миллиондон ашык көрүүнү чогулткан. Ошол эле учурда программанын башка чыгарылыштары анча популярдуу эмес: мисалы, убакытка саякат программасы 300 000ге жакын жолу көрүлгөн. Программада жашыруун коомдор тууралуу айтылган сөздөр өтө провокациялуу. Мисалы, программанын адистеринин бири: «Бардык дүйнөлүк согуштарды масондор уюштурат, буга эч кандай шек жок» дейт.

Масондор саясий кырдаалга таасири тийгизет деген ишеним жеке эле Россияда гана эмес. Мисалы, 2012-жылы Франциядагы шайлоо жарышында эң чоң эки журнал жашыруун коомго бир нече макала арнаган. L'Express журналы башкы бетине "Масондор: Талапкерлерди кантип манипуляциялашат" деген тема менен, Ле Пойнт жураналы болсо "Масондор: чекти бузуучулар" деген макалаларды чыгарышкан. Тема чоң кызыгууну жараткан. L'Express журналы адатта чекене соодада 73 000ге жакын нусканы сатат, бирок масондор жөнүндөгү макала 80 000 нусканы сатууга жардам берген. Азыр макаланын автору Франсуа Кох жумалык веб-сайтта масончулукка арналган өзүнчө блогду жүргүзөт.

Кох өзү мындай дейт: «Бул тема окурмандарды кызыктырбай койбойт». Масондор жөнүндөгү материалдар ырааттуу түрдө кызыгууну туудурат жана провокациялык корутундулар аны бекемдейт. Басылмалар дайыма аудитория үчүн атаандашат, ошондуктан окурмандарды тартуунун мындай ишенимдүү ыкмасынан баш тартуу пайдасыз. Салттуу маалымат каражаттары оор мезгилди башынан өткөрүп жатат: алардын потенциалдуу аудиториясынын бир бөлүгү Интернетке кетет, ошондуктан редакциялык макалалар окурмандардын көңүлүн бурган ишенимдүү булак катары масондук темасына кайрыла берет.

Уландысы бар....

Булак: NazarNews.kg