24-октябрда Бишкектин Биринчи Май райондук соту Кылмыш-жаза кодексинин 36-278-беренеси («Массалык баш аламандык уюштурууга даярдануу») боюнча кармалган активисттерге, саясатчыларга, блогерлерге жана журналисттерге карата баш коргоо чарасын тандады.

Жогорку Кеңештин мурдагы депутаты, Убактылуу өкмөттүн мүчөсү Азимбек Бекназаров 23-декабрга чейин СИЗО-1ге камалды. Активист Талант Эшалиев ден соолугуна байланыштуу үй камагына чыгарылды.

Аталган кылмыш иши боюнча 20-декабрга чейин камалган башка айыпталуучулар:

- Экс-депутат Равшан Жеенбеков,

- Экс-депутат Асия Сасыкбаева,

- Конституциялык соттун мурдагы судьясы Клара Сооронкулова,

- БШКнын мурдагы мүчөсү Гүлнара Журабаева,

- Коопсуздук кеңешинин мурдагы катчысы, Убактылуу өкмөттүн мүчөсү Кеңешбек Дүйшөбаев,

- Жалал-Абад облусунун мурдагы губернатору жана Убактылуу өкмөттүн мүчөсү Бектур Асанов,

- Өкмөттүн Талас облусундагы мурдагы ыйгарым укуктуу өкүлү Айбек Бузурманкулов,

- активист Жеңишбек Молдокматов,

- активист Рита Карасартова,

- активист Перизат Суранова,

- блогер Али Шабдан,

- активист Эрлан Бекчороев,

- журналист жана саясат таануучу Айданбек Акматов,

- активист Таалайбек Мадеминов,

- экс-депутат Кубанычбек Кадыров,

- активист Нурлан Асанбаев,

- активист Чынгыз Капаров,

- активист Атай Бейшенбек,

- активист Акыл Айтбаев,

- активист Марат Баязов,

- Кемпир-Абад суу сактагычын коргоо комитетинин мүчөсү Мамбетжунус Абылов.

Булак: NazarNews.kg