Мээрбек Мискенбаев жумушунан айдалды

Журналист: NAZARNEWS

16.01.2019, 5:06

21505

саясат

ММКларга тараган маалыматтарга таянсак, "Айкөл Ала-Тоо" бирикмесинин жетекчиси кызматынан кеткени тууралуу кабар тарады. Кезектеги жыйында Мээрбек Мискенбаев өз арызынын негизинде кызматтан алынып, анын ордуна Амантур Жамгырчиев шайланды. «Айкөл Ала-Тоо» коомдук бирикмеси 2010-жылы түзүлгөн. Мээрбек Мискенбаев аны 2013-жылдан бери жетектеп келген.

«Жетекчиликтин алмашышы биздин ишибизге таасирин тийгизбейт. Биз мындан ары апрель революциясынын баатырларын, катышуучуларын социалдык жактан камсыздоо иштерин кенен жүргүзүп турабыз. Ал эми саясатта калыс көз-карашта болобуз», — деп билдирди жаңы төрага Амантур Жамгырчиев. «Айкөл Ала-Тоо» 17-январдагы митинге катышпайт. «Бизди 7-январда өткөн митинг менен байланыштырып жатышат. Биз ага катышкан эмеспиз. 17- январдагыга дагы кошулбайбыз жана Кытайга каршы чакырыктарды колдобойбуз», — дейт Амантур Жамгырчиев.

Эске салсак, Мээрбек Мискенбаев мурда ЖКтин КСДП партиясынын депутаты болчу.

Булак: NazarNews.kg