Бишкек шаарында 15-марттан баштап коронавирус жугузгандардын саны көбөйө баштады. Бул тууралуу Бишкек шаардык ооруларды алдын алуу жана мамлекеттик санитардык-эподемиологиялык көзөмөл бөлүмүнүн башчысы Айнагүл Рыскулбекова билдирди.

Рыскулбекованын айтымында, вирус жуктургандардын саны күн сайын аз-аздан көбөйүп бара жатат.

«Жыл башынан бери борбор калаада 2 940 киши вирус жугузуп алды. Алардын ичинен 1737 учур ПЦР-тест аркылуу тастыкталган. Ооруп калгандардын басымдуу бөлүгүн, тагыраагы, 58 пайызы 30-64 жаштын ортосундагылар түзөт», — деди адис.

Мындан тышкары, ооруп жаткандардын 21 пайызы 65 жаштан жогорулар, 2,5 пайызы 14 жашка чейинки балдар экени айтылды.

Булак: NazarNews.kg