Бүгүн, 21-октябрда Бишкек шаарынын мэриясынын имаратына 20дай адамдан турган жарандар тобу чогулушту.

Алар Нариман Түлеевдин Бишкек шаарынын мэринин милдетин убактылуу аткаруучу болуп дайындалганына нааразы.

Ички иштер министрлигинин ардагери Акмарал Абдыкалыкованын айтымында, ал митингге Нариман Түлеевди Бишкек шаарынын мэринин милдетин убактылуу аткаруучу кызмат ордуна дайындоого укугу жок деп эсептегендиктен барган. «Мурда соттолгон адам мындай кызматта боло албайт. Анын соттуулугу толугу менен жокко чыгарыла элек. Бул кызматка дайындала турган башка адамдар жокпу? Алардын саны көп», – деди ал.

Митингдин дагы бир катышуучусунун айтымында, ал 5 жана 6-октябрь окуяларына активдүү катышкан жана башаламандыктын максаты люстрация гана болгонун айтты. «Мен “Чоң Казат” партиясынын өкүлү катары активдүү катышып, модератор болгом. Эски аткаминерлерди киргизгибиз келген жок. Жаңы өкмөт келгенде биз иштегилечи дедик. Бирок эски чиновниктер, ар кандай режимдин кызматчылары келишти. Тактап айтканда, бул Нариман Түлеев», – деди ал.

«Нариман Түлеев Суракматов ага келип, 4 күн сурады деп жатат. Бирок Суракматов өз ыйгарым укуктарын өткөрүп берип, көрсөтмөлөрдү күтүшү керек болчу. Шаардык кеңеш эмне үчүн керек, мен түшүнбөйм. Эмне үчүн алар Жогорку Кеңештей кезексиз жыйынга барбай жатышат? Жеке өзүбүз талап кылабыз, андан кийин мыйзамдуу түрдө, андан кийин чоң митинг болот», – деп эскертти ал. 

Булак: NazarNews.kg