www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Немис канцлери Ангела Меркель алты батыш-балкан өлкөсүнүн Европа Биримдигинин катарына кирүүсү Германиянын максаттарынын бири экенин, бирок ал мамлекеттер бирикмеге мүчө болуу үчүн “узак жолдон” өтүшү керектигин айтты. Мындай пикирин ал 13-сентябрда Белградда Сербиянын президенти Александр Вучич менен жолугушуудан кийинки пресс-конференцияда билдирди.
Германиянын өкмөт башчысы катары кызматы жыйынтыкталып жаткан Меркелдин иш сапары бүгүн 14-сентябрда коңшу Сербияда уланат. Ал серб өкмөтүнүн башчысы жана Европа Биримдигине кирбеген беш өлкөнүн – Албаниянын, Босния жана Герцеговинанын, Косовонун, Черногориянын жана Түндүк Македониянын премьер-министрлери менен жолугат. Жыйында эки тараптуу мамилелер менен катар аймактык кызматташтык, бирдиктүү соода-сатык маселелери да талкууланат.
Германиянын өкмөтүн 16 жыл ичинде төрт жолу шайланып келип башкарган Ангела Меркель кызматын быйыл 26-сентябрда өтө турган шайлоодон кийин тапшырып берет. Октябрь айында “Европа – Балкан өлкөлөрү” саммити өтөт.
1992-жылы экономикалык жана саясий бирикме катары негизделген Европа Биримдигине Германияны кошо эсептегенде 27 өлкө мүчө.
Булак: NazarNews.kg
< Предыдущий
Следующий >
Последние новости
