Швейцариянын Женева шаарында УЕФАнын Чемпиондор лигасы мелдешинин 2020/2021-жылдардагы сезонунун тайпалык этабына чүчү кулак тартылды. Бул тууралуу аталган футболдук уюмдун расмий сайтында айтылат. 

Анын жыйынтыгы менен акыркы 10 жылда мыкты футболчу наамын талашып-тартышып келген Лионель Месси менен Криштиану Роналдунун командалары кезикмей болду.

УЕФА бул учурду белгилеп, өзүнүн Instagram баракчасына эки футболчунун беттеш алдында кол кармашып турган сүрөтүн чыгарды.

 “Роналду менен Месси: кайрадан беттеш! Кимиси жеңет?” деген билдирүү калтырылган. 

Чемпиондор Лигасынын G тайпасында туриндик “Ювентус” (Италия), католондук “Барселона” (Испания), “Динамо Киев” (Украина) жана “Ференцварош” (Венгрия) клубдары күч сынашат.

Чемпиондор лигасынын быйылкы мелдешинде алгачкы ирет россиялык үч команда ат салышат. Алар: “Зенит” Санкт-Петербург, “Локомотив” Москва жана “Краснодар”.

Калган тайпалар төмөнкүдөй жайгашты:

• “А” тайпасы: “Бавария” (Германия), “Атлетико Мадрид” (Испания), “Ред Булл Зальцбург” (Австрия), “Локомотив” (Россия).
• “В” тайпасы: “Реал Мадрид” (Испания), “Шахтёр” (Украина), “Интер” (Италия), “Боруссия” Мёнхенгладбах (Германия).
• “С” тайпасы: “Порту” (Португалия), “Манчестер Сити” (Англия), “Олимпиакос” (Греция), “Марсель” (Франция).
• “D” тайпасы: “Ливерпуль” (Англия), “Аякс” (Нидерланды), “Атланта” (Италия), “Мидтъюлланн” (Дания).
• “Е” тайпасы: “Севилья” (Испания), “Челси” (Англия), “Краснодар” (Россия), «Ренн» (Франция).
• “F” тайпасы: “Зенит” (Россия), “Боруссия” Дортмунд (Германия), “Лацио” (Италия), “Брюгге” (Бельгия).
• “Н” тайпасы: “Пари Сен-Жермен” (ПСЖ) (Франция), “Манчестер Юнайтед” (Англия), “РБ Лейпциг” (Германия), “Истанбул Башакшехир” (Түркия).

Чемпиондор лигасынын тайпалык беттештери 20-октябрда башталат.

Өткөн жылы аталган мелдешти Германиянын “Бавария” клубу жеңип алган. Финалда мюнхендик команда Франциянын “ПСЖ” клубун 1:0 эсебинде уткан.

Булак: NazarNews.kg