Бишкек шаарындагы көпүрөнүн алдынан табылган аялдын сөөгүн сырттан кароо учурунда зомбулуктун белгилери байкалган жок. Бул тууралуу АКИpress агенттигине Свердлов РИИБдин басма сөз кызматы билдирди.

Буга чейин ӨКМдин басма сөз кызматы 7-Апрель менен Кийизбаев көчөлөрүнүн кесилишиндеги көпүрөнүн алдынан 45-50 жаштагы аялдын жансыз денеси табылганын кабарлаган.

Милициядан билдиришкендей, адамдын сөөгү табылгандыгы тууралуу маалымат кечээ, 13-апрелде кечки саат 19:30 чамасында келип түшкөн. Жерине Свердлов РИИБдин ыкчам тергөө тобу барган.

Аталган факт КЖБРга катталып, экспертизалар дайындалды.

Булак: NazarNews.kg