Финансы министрлиги депутаттардын быйыл Кыргызстандын мамлекеттик тышкы карызы 1 миллиард долларга өстү деп айтканы чындыкка дал келбей турганын билдирди.

Маалыматка ылайык, 2019-жылдын аягында тышкы карыздын көлөмү ички дүң продукцияга (ИДП) карата 45,5 пайызга азайган. Бирок быйылкы пандемия учурундагы кризиске байланыштуу тышкы карыз ИДПга карата 56,2 пайызга өскөн.

"Мамлекеттик карыз 1 миллиард долларга көбөйгөн жок. Анткени сырттан жардам катары 337 миллион доллар келип түшкөн. Анын 269 миллиону насыя түрүндө", — дешти министрликтен.

31-июлга карата мамлекеттин тышкы карызы 4 миллиард 169 миллион долларды түздү. Министрликтин божомолу боюнча карыз жыл аягына чейин дагы 154 миллионго көбөйөт.

Булак: NazarNews.kg