Ош облусунун Өзгөн районунда коронавирус менен ооруган жарандар аныкталды деген маалымат чындыкка дал келбейт. Бул тууралуу Саламаттыкты сактоо министрлигинен маалымдады. 

Маалыматка караганда кечээ, 28-февралда Кара-Суу районундагы «Достук» көзөмөл-өткөрмө пунктунда Өзбекстан аркылуу, Түштүк Кореядан келген Кыргызстандын бир, Россиянын эки жараны өткөн.

«Санитардык-карантиндик пункттун кызматкерлери Саламаттыкты сактоо министрлиги бекиткен алгоритмге ылайык ал жарандарды обсервацияга жеткиришкен. Бул жарандардын абалы канааттандырарлык. Коронавирустун белгиси аныкталган жок», - деп айтылат маалыматта

Бүгүнкү күндө Кыргызстанда коронавирус жуктурган учур катталган жок. Өлкөнүн аймагында эпидемиологиялык абал туруктуу.

Булак: NazarNews.kg