Бгүн, 13-январда Өзбекстан менен Орусиянын президенттери телефон аркылуу сүйлөштү.

Сүйлөшүүнүн жүрүшүндө Казакстандагы акыркы окуяларга байланыштуу Борбор Азиядагы кырдаал боюнча пикир алмашуу болду. Тынчтыкты жана бейпилдикти орнотуу, өлкөдөгү кырдаалды турукташтыруу боюнча Казакстандын жетекчилиги тарабынан көрүлүп жаткан чаралар колдоого алынган.

Сүйлөшүү учурунда мамлекет башчылары ошондой эле стратегиялык өнөктөштүк жана союздаштык боюнча өзбек-орус мамилелеринин учурдагы абалын жана келечегин талкуулашты, деп билдирди Өзбекстандын башчысынын басма сөз кызматы.

Тараптар саммиттин жүрүшүндө жетишилген макулдашууларды ийгиликтүү ишке ашырууну, ошондой эле ар кандай деңгээлдеги делегациялардын интенсивдүү алмашуусун белгилешти. Сүйлөшүү учурунда белгиленгендей, 2021-жылы соода жүгүртүү 33%га өскөн.

Сүйлөшүү учурунда мамлекет башчылары эки өлкөнүн ортосундагы дипломатиялык мамилелердин 30 жылдыгына арналган бир катар иш-чараларды өткөрүүнүн маанилүүлүгүн белгилешти.

Булак: NazarNews.kg