Ала-Тоо аянтында люстрация үчүн митингге чыккандар Өмүрбек Бабановго сөз сүйлөөгө мүмкүнчүлүк беришкен жок.

Саясатчы трибунага чыкты, бирок аны кыйкырышып, бөтөлкөлөрдү анын багытына ыргытышты. Ал күзөтчүлөрү менен бир тарапка басып кетип калышты.

Ошондой эле, Ала-Тоо аянтында активист жаран Таластан болот экенин жарыялады. Жана Өмүрбек Бабановду агасы катары сыйлай турганын айтты. Бирок ал Бабановдун бийликке келишине каршы чыкты. Себеби 5-октябрда эл көтөрүлүшкө чыкканда “Бабанов кайда жүрдү?” – деп суроо узатты. Бул учурда трибунага “Республика” партиясынан Мирлан Жээнчороев келип ал баладан микрафонду колунан жулууга аракет кылды. Ошол убакта Ала-Тоо аянтында турган эл Мирлан Жээнчороевдин кылган аракетин көрүп, бөтөлкө жана башка бир буюмдар менен аны көздөй башка ыргытышты.

6-октябрда Жогорку Кеңештин депутаттары кезексиз жыйын чакырыш үчүн кол топтоп, эки жерде чогулушту. «Достук» мейманканасында чогулган бир нече депутат катышкан жыйынга VI чакырылыштын вице-спикери, «Мекеним Кыргызстан» партиясынын лидери Мирлан Бакиров төрагалык кылып, Жогорку Кеңештин төрагасы Дастанбек Жумабеков жана өкмөт башчы Кубатбек Боронов өз кызматтарынан ыктыярдуу кетүүнү суранган арыздарын тааныштырып, жаңы өкмөт башчы жана спикерди дайындоо процедурасы жүргөн.

Бүгүн, 7-октябрдагы митингдин катышуучулары “5 эркек бийликти талашпагыла” деп айтышууда.

Булак: NazarNews.kg