Бүгүн, 24-ноябрда Москва шаарында "Кадамжай" коому тарабынан уюштурулган кыргыздын улуу инсаны, мамлекеттик ишмер Абдыкадыр Орозбековдун 130 жылдыгына карата эскерүү кечеси өттү. Бул тууралуу маалыматты жергиликтүү кабарчыбыз Эльвира Мамыралиевабилдирди.

Элчиликтин кызматкерлери, Москвадагы аймактык коомдук уюмдардын жетекчилери, активисттери катышып, А.Орозбековдун кыргыз мамлекетинин туптолушуно кошкон зор салымы, үлгүлүү адамдык сапаттары, улуу мекенчил инсандардын өсүп келе жаткан муундун татыктуу тарбияланышына тийгизген таасири, тарыхын сыйлап, сактаган эл өнүгүү жолунда болоору тууралуу кеңири сөздөр айтылды.

Эскерүү кечесине А. Орозбековдун небереси да катышып, кыргыз элине жана КРнын Президенти С.Жээнбековго ыраазычылыгын билдирди.

Булак: NazarNews.kg