www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Москванын полициясы Кыргызстандын Орусиядагы элчисинин кеңешчиси Манас Жолдошбековдун үйүнө кирип келип, текшерүү жүргүздү. Бул тууралуу телеграм каналдар маалымдады.
Окуя 8-апрель күнү болгон. 2 ички иштер кызматкери дипломаттын эшигин бузуп кирип, анын үй-бүлө мүчөлөрүнөн миграциялык каттоого тургандыгы боюнча документтерди талап кылышкан.
Манас Жолдошбеков дипломаттык паспорттун көрсөткөндөн кийин дагы полиция орой мамиле кылып, элчинин кеңешчисинин аялынын денесине жаракат келтирип, балдарын коркуткан.
Тышкы иштер министрлиги маалыматты ырастап, бүгүн Орусиянын элчисинин кеңешчиси-консул Андрей Бурьев менен жолугушуу өткөнүн кабарлады.
Орусиянын полициясы Вена конвенциясынын эрежелерин бузгандыгы айтылып, Ички иштер министрлигине окуя боюнча иликтөө жүргүзүп, күнөөлүү кызматкерлерди кыска убакытта жоопко тартуу талабы коюлду.
Андрей Бурьев учурда териштирүү жүрүп жатканын кабарлады.
Булак:NazarNews.kg
< Предыдущий
Следующий >
Последние новости
