Министрлер кабинетинин төрагасынын орун басарлары, мүчөлөрү өз милдеттерин аткарбай, пиар жана популизм менен алек, деп билдирди депутат Өмүрбек Бакиров (Көк-Жар округу) 3-февралда Жогорку Кеңештин жыйынында.

Депутаттардын милдети аларды тартипке чакыруу, дейт ал.

«Эдил Байсалов жетектеген тармак — социалдык тармак. Эмне биздин мамлекетте соц.тармак жыргап кеттиби? Саламаттыкты сактоо министрлиги эмне кылып жатканын өзүңүздөр көрүп жатасыздар — кандй академиктерди иштен бошотуп, бир оорукананы (жоюп), бүтүндөй бир системаны талкалап жатат. Ошондуктан биз аларды тартипке чакырышыбыз керек. Популизм менен алектене турган болсо, жумушун таштап, бошотуп коюп, аракетин кылыш керек», - деди ал.

Депутаттын айтымында, Конституцияда Жогорку Кеңеш дайындоо жана кызматтан бошотуу укугу бар деп так жазылган.

Булак: NazarNews.kg