Мугалимдер жогорулатылган айлыктарын ала баштады

Журналист: ЖАҢЫЛ СТАЛКЕРИМОВА

29.04.2022, 15:51

24672

коом

Мугалимдердин айлыктары колдоруна тийе баштады.

Алар маяналарын жогорулатылган сумма менен алышууда. Эмгек акынын кошулганына ыраазы болгондор көп.

Бул жолу мектеп мугалимдеринин эмгек акысы дээрлик эки эсе көтөрүлдү. Мисалы, мектепке жаңы гана ишке кирген жогорку билимдүү мугалимдер мурда 10-12 миң сомго чейин маяна алышса, эми 20-23 миң сом болду. Көп жылдык эмгек тажрыйбасы бар мугалимдер 50 миң сомго чейин ала баштады.

Бирок айрым мугалимдер жаңы чегерилген айлыкка нааразы болуушуда. Анткени, так илимдеринин мугалимдеринин алды колго 50 миң сом алса, тарых сыяктуу гуманитардык сабактардын мугалимдери 30 миң сом алып чоң ажырым жаралганына нааразычылыктар айтылууда.

Кыргызстан азык-түлүк кризисине каршы жети пункттан турган атайын план кабыл алып, ага 126 млрд. сом бөлгөн. Анын 32 млрд 900 млн сомун мамлекеттик кызматкерлердин айлыгын көтөрүүгө чегерген.

Булак: NazarNews.kg