Мурдагы президент Курманбек Бакиевдин эжеси Турдукан Бакиева кечээ, 10-июнда 76 жашта узакка созулган оорудан улам көз жумду. Бул тууралуу маркумдун жакындары билдирди. 

Белгилей кетсек, Турдукан Бакиева 1942-жылы Сузак районундагы Тейит айылында туулган. 1960-жылы Барпы орто мектебинен аяктагандан кийин, 1966-жылы Бишкектеги медициналык институттун бүтүрүп, алгачкы эмгек жолун Ош шаарынын дарылоо тармагында врач-педиатр болуп иштөөдөн баштаган. 

1967-жылы Өзгөн шаарында врач-педиатр болуп кызматка дайындалган, 1969-жылы Жалал-Абад шаарында врач-педиатр,

1971-жылы аталган ооруканада поликлиниканын бөлүм башчысы,

1974-жылы балдар ооруканасынын башкы дарыгердин орун басарлык кызматында,

1980-жылы балдар саноториясында башкы дарыгер кызматын аркалаган. Турдукан Бакиева, иштеген жылдары өзүнүн жакшы жактарын көргөзүү менен жогорку категориядагы адис катары жумушта өзүнүн ордун мыкты тааныта алган. Балдар саноториясынын материалдык-техникалык базасын чыңдоодо, дарылоонун  жана ооруларга көргөзүлүп жаткан медициналык сапатын жакшыртууда бир топ иштерди аткарган. 

1980-83-жж 9 айдын ичинде 3 кабаттуу имаратты ички жана сырткы бассейини менен дене тарбия, физотерапия, балдардын тишин дарылоочу, фитобар, функционалдык дарылоо бөлмөсүн ачкан. Ошол эле жылдары котельный, мончо, жашылча-жемиштерди сактоочу кампа, 200 орундуу балдарга тамак-аш бышыруучу жана ашкана салынган. 1982-жылы жылытуу системасын газ жана ток менен ысытууга өткөргөн. 

1985-жылдары жогорку категориядагы балдардын кардиоревматолог врачы болуп эмгектенсе, балдарды дарылоодо билим алуусу төмөндөп кетпеш үчүн, 1986-жылы саноториянын аймагына кичикомплективдүү мектеп ачкан. 

1987-жылы көп жылдар бою саламаттыкты сактоодо, Жалал-Абад областын калкына дарылоо жана кабыл алган социалисттик милдеттенмелерди аткарууда жогорку көрсөткүчөргө жетишкендиги жана коомдук турмушуна активдүү катышкандыгы үчүн “Ардак Грамота”,

1989-жылы социалисттик мамлекеттик - бардык калктын саламаттыгын сактоо жана ар дайым жакшыртуу камкордугун өзүнө алган активдүүлүгү үчүн Кыргыз ССРнын “Ардак Грамотасы”, 

1995-жылы Пекин шаарындагы Бүткүл дүйнөлүк аялдар конгрессинин катышуучусу,

1997-жылы Саламаттыкты сактоого сиңирген эмгеги үчүн “КР Ардак Грамотасы” менен сыйланган,

2000-жылы КР саламаттыкты сактоо жагындагы сиңирген эмгеги үчүн “КР эмгек Сиңирген врачы”, Саламаттыкты сактоо тармагында үзүрлүү эмгеги үчүн “Ардак Грамота”, Жаш балдардын ден-соолугун чыңдоодо мыкты салым кошкондугу үчүн “Ардак Грамота”, 

2001-жылы ден соолугу начар балдарга кам көрүп, “Бакыт” борборун үзгүлтүксүз иштеткендиги  үчүн “Жылдын Мыкты мээрбан аялзаты” деген наамдын ээси, 

2002-жылы Жалал-Абад шаарынын “Ардактуу атуулу”,

2008-жылы Республикалык “Сапат” сынагында дипломдун ж.б бир нече сыйлыктардын ээси болгон. 

Төш белгилери: 

1992-жылы СССРдин саламаттыкты сактоонун отличниги, 

1997-жылы Саламатттыкты сактоодо сиңирген эмгеги үчүн Ардак Грамота, 

2000-жылы Республиканын саламаттыкты сактоо жатындагы сиңирген эмгеги үчүн “КР эмгек сиңирген врачы”,

2001-жылы “Мыкты мээрбан аялзат”, 

2002-жылы Жалал-Абад шаарынын “Ардактуу атуулу” төш белгисинин ээси, 

2010-жылы КР саламаттыкты сактоо тармагын өнүктүрүүгө кошкон салымы жана көп жылдык үзүрлүү эмгеги үчүн “Даңк” төш белгиси менен сыйланган. 

Булак: NazarNews.kg