Өзбекстандын Алкоголь менен табак рыногун жөнгө салуу жана шарап өндүрүшүн өнүктүрүү агенттиги өкмөткө насвайга тыюу салуу жөнүндө мыйзам долбоорун сунуштады.

Саламаттык сактоо министрлиги өлкөдө кеңири тараган насвай калктын ден соолугуна жана экономикага олуттуу зыян келтирүүдө деп эсептейт.

Дүйнөлүк саламаттык сактоо уюмунун маалыматына караганда, Өзбекстанда 13-15 жаштагы өспүрүмдөр арасында насвай тартуу деңгээли өтө жогору – 6 пайыз. Бул көрсөткүч Кыргызстанда – 5,1 пайыз, Тажикстанда – 1,8 пайыз, Казакстанда – 0,6 пайыз, Түркмөнстанда – 0,2 пайызды түзөт.

Насвайды негизинен Борбор Азия өлкөлөрүнүн жашоочулары тартат. Кишилер аны үй шартында өндүрүшөт.

Бул макала NazarNews басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын уруксаты менен гана мүмкүн.

Булак: NazarNews.kg