www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: nazarnews.kg@gmail.com www.NazarNews.kg WhatsApp кабар: +996 779 028 383 www.NazarNews.kg

№ 5 мектеп-лицейинин кошумча окуу корпусунун жаңы имаратынын курулушу уланууда

№ 5 мектеп-лицейинин кошумча окуу корпусунун жаңы имаратынын курулушу уланууда

Журналист: КУМАРА САГЫНАЛИЕВА
04.10.2020, 21:02
6543
|

Кыргыз Республикасынын Президенти Сооронбай Жээнбеков бүгүн, 4-октябрда, добуш бергенден кийин Бишкек шаарындагы А.Молдокулов атындагы № 5 улуттук инновациялык технологиялар мектеп-лицейинин кошумча окуу корпусунун жаңы имаратынын курулушунун жүрүшүн көрүп чыкты.

Кыргыз Республикасынын Өкмөтүнө караштуу Архитектура, курулуш жана турак жай-коммуналдык чарба мамлекеттик агенттигинин директору Урматбек Көкөчаров 375 орундуу, эки кабаттуу жаңы имараттын курулушун 2021-жылдын июнь айында аягына чыгаруу күтүлүп жаткандыгын белгиледи.

Урматбек Көкөчаров азыркы учурда окуу жүктөмдөрү көп болуп, окуучуларга орундар жетишпей жаткан жерлерде жаңы мектептерди жана кошумча корпустарды куруу иштери улантылып жатканын эске салды.

Президент Сооронбай Жээнбеков жаңы окуу корпусун курууда жана жабдууда, билим берүү процессине заманбап санарип технологияларын киргизүү шарттары эске алынышы керектигине токтолду.

Өлкө башчы окуучуларды окутууда билим берүүдөгү алдыңкы тажрыйбаларды жана заманбап санариптик чечимдерди колдонуунун өзгөчө маанисин баса белгиледи.

Булак: NazarNews.kg



Поделитесь с друзьями