21-мартта Нооруз майрамын майрамдоо учурунда Бишкек шаарындагы Ала-Тоо аянтынын, Эски аянттын айланасындагы көчөлөргө убактылуу чектөө киргизилет. Бул тууралуу борбор калаанын милициясы кабарлады.

Маалыматка караганда, 21-март күнү саат таңкы 5тен 22-марттын саат 1ге чейин Чүй проспекти жана Абдымомунов көчөсү Орозбеков көчөсүнөн Эркиндик бульварына чейин жабык болот.
Калган көчөлөрдө кыймыл кадимкидей жүрөт.
Бишкек шаардык милициясынын күзөт-кайгуул кызматы 20-марттан тартып, эки күн күчөтүлгөн режимде иштейт. Коомдук тартипке 6 миңден ашуун милиция кызматкери көз салат.
Булак: NazarNews.kg