Өлкөдө коронавирус инфекциясы туу чокуга жеткен жок. Бул тууралуу бүгүн, 5-майда саламаттыкты сактоо министринин орун басары Нурболот Үсөнбаев эпидемиологиялык абал тууралуу маалымат берип жатканда билдирди.

"Жалпылап айтканда, коронавирус инфекциясы өтө кооптонууну деле жараткан жок. Анткени бизде ооругандардын саны жогорку көрсөткүчкө жеткен жок. Биз ооругандардын санын жогорку ченге жеткирбей кармап калдык. Эпидемиологиялык сызыктардагы сандарга ылайык, орто деңгээлде кармалып турат. Биз мындан ары ушул деңгээлди кармап турсак, ооругандардын саны азаят деген божомолубуз бар", - деди министрдин орун басары.
Булак: NazarNews.kg