www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Бүгүн, 28-январда Жогорку Кеңештин Төрагасы Нурланбек Тургунбек уулу мамлекеттик гимндин жаңы редакциядагы тексти жана музыкасы кечээ тармактык комитетте каралганын, бирок ойдогудай, татыктуусу жок экендигин баса белгиледи.
“Андыктан, комитеттин алкагында гана карап, артка кайтаруу чечимин кабыл алдык. Биздин максат эптеп эле гимнди өзгөртүү эмес, жети жаштагы баладан, жетимиш-сексен жаштагы карыяга чейин эркин ырдаган мыкты текстти жана обонду тандоо. Көргөнүбүздөй буга чейин келген сунуштардын бардыгы марш стилинде жазылган. Бирок аны көпчүлүк ырдай албайт. “Кыргыз жери”, “Мекеним мейкин” деген ырларга окшогон эркин формадагы эмгектер жазылышы керек болчу. Биз советтик түзүлүштөгү марш стилинен кетишибиз кажет. Биздин гимн мамлекеттик гана иш-чараларда эмес, ар кандай маарекелерде да эркин ырдалгыдай гимн болушу керек”, – деген Нурланбек Тургунбек уулу сынакка катыша турган авторлорду аталган маселеге астейдил көңүл бурууга чакырды.
Тагыраагы, сынак дагы улантыларын айткан Төрага ага бардык кыргызстандыктар катышса болорун жана жеңүүчүлөргө Президент тарабынан атайын сыйлыктар да каралганын эске салды.
< Предыдущий
Следующий >
Последние новости
