Казакстандын экс-президенти Нурсултан Назарбаевдин кызы Дарига Назарбаеванын ордуна Маулен Ашимбаев келди. Ал Казакстан парламентинин сенатынын спикери болуп дайындалды. Бул тууралуу казак маалымат булактары жазып чыгышты.

Маалыматка ылайык, шайлоо бүгүн, 4-майда болуп, депутаттар Маулен Ашимбаевдин талапкерлигин бир добуштан колдошкон.

Маулен Ашимбаев 2019-жылдан бери Казакстан Республикасынын президентинин администрациясында жетекчинин орун басары болуп иштеп келген. Ал 49 жашта.

Эске сала кетсек, буга чейин сенаттын депутаты Дарига Назарбаеванын ыйгарым укугу токтотулган. Дарига Назарбаева 2016-жылы 13-чакырылыштагы парламент сенатынын депутаты болгон. Ал эми 2019-жылдын 20-мартынан бери Казакстан парламентинде сенаттын спикери кызматын ээлеп келген.

Булак: NazarNews.kg