Өбүшүү аркылуу сүйүү жана ардактоо сезимдерин билдирүүгө болот. Анын кандай зыяны жана пайдасы бар экенин билесизби?   

- Өбүшүү учурунда угуу жөндөмдүүлүгүн жоготуп алуу коркунучу бар. Кытай кызы сүйүктүүсүн кумарлуу өпкөндүктөн, кулак добулбасынын жаргакчасы жарылып кеткен.

- Өбүшүү бырыштардын пайда болуусун алдын алат. Анткени, өбүшүү учурунда беттеги жүз кырк алты булчуң активдүү иштейт.

- Австралиялык врачтар шилекейде жараны айыктыруучу затты табышкан. Адамдар бул затты өбүшүү аркылуу бири-бири менен алмашышат.

- Үй жаныбарларын тез-тез өөп турган адамдарда тиш бактериясынын саны тездик менен көбөйөт.

- Өбүшүү ден соолукту жакшыртуучу мыкты касиетке ээ. Профессор Тоумен далилдегендей, ар бир адам суткасына минимум үч жолу өбүшүп турса, жүрөк кан-тамыр оорулары менен алты эсеге аз ооруйт.

- Өбүшүү аллергиялык реакцияны чакырууга жөндөмдүү. Изилдөөчүлөр чемичке жана жаңгакка аллергиясы бар 379 бейтаптардын оорусунун себебин изилдешкен. Жыйынтыгында алардын 25и башка адам менен өбүшкөндөн кийин аллергия өөрчүп баштаган.

- Адамдар өбүшүүнүн айынан гепатит В, герпес, сасык тумоо жана пародонтоз ооруларын жуктуруп алуулары мүмкүн.

- Алтымыш секунддук өбүшүү болжол менен отуз алты калорияны эритүүгө жөндөмдүү.

- Энелер өз балдарынын бетин жана оозун назик өбүү менен аларга кариес жуктуруп алышарын байкашпайт.

Өбүшүүнүн психологиясы

- Психологдордун айтуусу боюнча өбүшүү адамдарды стресстен сактайт жана нерв системасын бат тынчтандырат.

- Профессор Геллап жигиттер сүйүктүүсүн секс менен алектенүү үчүн өбөөрүн билдирген.

Өбүшүү өмүрдү узарта алабы?

- Чындыгында көп өбүшкөндөр стресске аз кабылары байкалган. Ал негативдүү таасирге тынч мамиле жасашат, негизи эле андай нерселерге көңүл бурбай басып кетишет.

Булак: "chabarman.kg"