Бишкекте Октябрь райондук ички иштер башкармалыгынын криминалдык милиция кызматынын жетекчисинин орун басары кармалды. Бул тууралуу 24.kg агенттигине өздүк булактар ​​билдирген.

Милиция кызматкери УКМК тарабынан кармалган. Алдын ала алынган маалыматтар боюнча, ал 30 миң сом өлчөмүндө пара талап кылган.

«Бүгүн сот кармалган адамдын баш коргоо чарасын тандайт. Айрым маалыматтарга караганда, милиционер уурулук фактысы боюнча кылмыш ишин токтотуу үчүн акча талап кылган», - деп айтылууда.

Булак: NazarNews.kg