Ооганстандагы башкарган Талибан кыймылы Ооганстандын улуттук үч түстүү желегине расмий түрдө тыюу салды. Бул тууралуу чет элдик маалымат булактары билдирди. Маалыматка ылайык, эми Ооганстанда жана анын чегинен тышкары бардык мамлекеттик органдар кыймылдын ак туусун колдонушу керек. Мындай жарлыкты Талибан кыймылы кабыл алган.

Белгилей кетсек, 2021-жылдын август айынын башында талибандар ооган өкмөттүк күчтөрүнө каршы чабуулун күчөтүп, 15-августта Кабулга кирип, эртеси согуш бүткөнүн жарыялашкан. Августтун акыркы эки жумасында америкалык аскерлердин коргоосунда турган Кабул аэропортунан Батыш жарандары жана алар менен кызматташкан оогандыктар массалык түрдө эвакуацияланган. 

Булак: NazarNews.kg