Активист, Жогорку Кеңештин мурдагы депутаты Орозайым Нарматова Бишкек шаардык сотуна жеткирилди. Ал Кемпир-Абад суу сактагычы боюнча «массалык баш аламандыкка даярдануу» беренеси боюнча кармалган.

Нарматованын жактоочусу сотто ал ооруп жатканын айтты. Нарматова Москвадагы клиникада каттоодо турат, ал жактан дарыланган, тастыктама күбөлүктөрү бар. Мындан улам жактоочу Нарматованы камактан бошотууну өтүндү.

Соттук коллегия сот залында сүрөткө жана видеого тартууга тыюу салды. Буга байланыштуу жактоочу соттук коллегияга ишеним көрсөтпөө тууралуу билдирди.

Булак: NazarNews.kg