Орус-Кыргыз өнүктүрүү фонду кыргызстандык ишкерлерге насыя түрүндө 413 миллион доллар берди. Бул тууралуу фонддун сайтында маалымдалды.

Маалыматка караганда, фонддон жалпы 3157 насыя берилген. Алар тармактар боюнча бөлүштүрүлгөн (1-февралга карата маалыматтар). Насыянын 35 пайызы өндүрүш тармагындагы бизнес-долбоорлорго, 24 пайызы агро өнөр жай комплексине жана 13 пайызы инфраструктураны өнүктүрүүгө бөлүнгөн.

Аталган фонд 2014-жылдын аягында, Кыргызстандын ЕАЭБге кошулуусу менен өлкөнүн экономикасын модернизациялоо максатында түзүлгөн. Уставдык капиталы 500 миллион долларга жетет.

Булак: NazarNews.kg