«Донбасстын ыктыярчылар союзу Украинанын түштүк-чыгышындагы жаңжалды күчөтүүгө камданып жатат» деп билдирди экс-министр Александр Бородай.

Анын айтымында, Донбасстагы чыр-чатак курчуп, Украинанын Куралдуу Күчтөрүнө чабуул жасала турган болсо, «орусиялык ыктыярчылар келишет». Ал уюм мындай сценарийге кандайча даярданып жаткандыгын так айткан эмес.

Бородай ошондой эле, согуш аракеттери апрель айына чейин башталбайт, анткени, кыштан кийин жер кургай электигин белгиледи.

Эске салсак, буга чейин Денис Пушилин Киев Донбасстагы кырдаалды солкулдатууну улантууда, бирок аталган өлкөнүн аскер кызматкерлери ар кандай дипломатиялык же аскерий чабуулдун мизин кайтарып, жергиликтүү тургундардын кызыкчылыгын коргоого даяр экендигин билдирген.

Булак: NazarNews.kg