Орусиянын Вашингтондогу элчиси Анатолий Антонов Орусия атайын операция учурунда Украинага курал берүүнү токтотууну талап кылып, АКШга нота жөнөткөнүн билдирди. Бул тууралуу ТАСС агенттиги жазды.

Антоновдун айтымында, Вашингтондон курал-жарак Киевге эбегейсиз чоң суммада берилет, бул «дипломатиялык жолду табууга, кырдаалды жөнгө салууга салым кошпойт».

«Биз нота тапшырдыкпы - ооба, биз АКШ Украинаны курал менен камсыз кылып жаткан кырдаалдын кабыл алынгыстыгын баса белгиледик, биз бул практиканы токтотууну талап кылдык», - деди ал.

Белгилей кетсек, буга чейин The Washington Post орус тараптын нотасы тууралуу жазган. Басылманын маалыматына караганда, ал Киевге Вашингтондон 800 миллион долларга жаңы аскерий жардам тууралуу жарыянын фонунда жөнөтүлгөн.

Ак үйдүн басма сөз катчысы Жен Псаки АКШ орус бийлигинин «куру коркутуулары же коркутуулары боюнча спекуляция жасабайт» деп жооп берди.

Эске салсак, Орусия Украинага каршы согушту 24-февралда баштаган. Путин анын максаты «сегиз жылдан бери Киев режиминин басмырлоосуна, геноцидине кабылып келгендерди коргоо» жана бул үчүн «Украинаны демилитаризация жана денацификация» жасап жана Донбасстагы «жай жашоочулардын канына забын болгондорду» аскер сотуна берип, жоопкерчиликке тартуу пландалып жатат, деп айткан.

Орусия - анын куралдуу күчтөрү аскерий соккуларды Украинанын аскердик инфраструктурасы менен күч түзүмдөрүнө уруп жаткандыгын, жай жарандарга багытталбагандыгын билдирет. Орусиянын колдоосу менен ДЭР жана ЛЭР топтору да өз аракеттерин улантууда. Путин - Украинаны оккупациялоо туурасында кеп жок экенин айтат.

Булак: NazarNews.kg