Орусиянын Коргоо министрлиги украиндерге кайрылды

Журналист: ЖАҢЫЛ СТАЛКЕРИМОВА

01.03.2022, 10:04

37463

дүйнө жүзүндө

Киевдин тургундары шаардан эркин чыгып кете алат. Мындай билдирүүнү Орусиянын Коргоо министрлигинин расмий өкүлү, генерал-майор Игорь Конашенков билдиргенин орусиялык маалымат каражаттары жазат.

Министрликтин өкүлү Украинанын баш калаасынын жайкын тургундары шаардан Киев-Васильков трассасы менен чыгып кетиши мүмкүн экенин билдирди. «Бул багыт ачык жана коопсуз», - деди Конашенков.

Ошондой эле, Коргоо министрлиги Орусиянын аскерий операциясы карапайым калкка коркунуч жаратпай турганын жана орус куралдуу күчтөрүнүн максаты бир гана аскердик объектилер экенин баса белгиледи.

Украинага каршы согуш 24-февралда башталган. Орусиянын президенти Владимир Путиндин айтымында, Москванын мындай кадамга барышына Донецк жана Луганск Элдик Республикаларындагы оор кырдаал мажбур кылган. Операциянын максаты - Донбасстын геноцидге дуушар болгон карапайым калкын коргоо.

Булак: NazarNews.kg