Оштон жөнөтүлгөн гуманитардык жүк Баткенге жетти, - деп билдирет Ош шаардык мэриясынын басма сөз кызматы.

Маалыматка ылайык, жалпы 100 тонна азык-түлүк, гигиеналык, балдар үчүн каражаттар жиберилди.

Мэриядан гуманитардык жардам чогултуу улантылып жаткандыгын кошумчалашты.

Белгилей кетсек, чек арадагы акыркы окуяларга байланыштуу өлкө боюнча Баткен облусунун элине гуманитардык жардам чогултуу иштери жүрүп жатат.

Белгилей кетсек, буга чейин тажик тараптын аткылоосунан Баткенде 24 кыргызстандык көз жумган.

УКМК төрагасы Камчыбек Ташиев кыргыз-тажик чек арасындагы чырдан кыргыз тараптан жоготуулар көп экенин айткан.

Эске салсак, эки өлкөнүн президенттери Садыр Жапаров менен Эмомали Рахмон Самаркандда бул маселе боюнча жолугуп, чек арадагы абалды талкуулашкан.

Булак: NazarNews.kg