Ош шаарында пневмония жана COVID-19 менен ооругандардын медициналык таштандылары үчүн атайын контейнерлер орнотулду. Бул тууралуу муниципалитеттин маалымат кызматынан кабарлашты.

"Пневмония жана COVID-19 менен ооругандар үчүн ачылган обсервациялардан, саламаттык сактоо мекемелеринен медициналык жана башка кооптуу таштандыларды санитардык эрежелердин негизинде жок кылуу үчүн таштанды полигонунда атайын чуңкурлар даярдалды", — деп айтылат маалыматта.

COVID-19дан үй шартында дарыланып жаткандардын үйүнөн чыгарылган медициналык таштандылар үчүн контейнерлер Ош шаарынын төрт жерине коюлду.

Алар төмөнкү даректерге орнотулду.

Кулатов көч.,14 дарегиндеги үйдүн жанында;

Айтиев көч., 13 дарегиндеги үйдүн жанында;

"Семетей" кино театрынын жанында (ХБК);

Карл Маркс атындагы мектептин жанында.

Контейнерлерди "Ош-Тазалык" атайын адистештирилген муниципалдык ишканасы орноткон.

Булак: NazarNews.kg