www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Ош шаарында парламенттик шайлоого катышып жаткан партиялардын биринин үгүт акциясына студенттерди мажбурлап алып келүү иши боюнча тергөө бүтүп, материалдар сотко жөнөтүлдү. Бул тууралуу Ички иштер министрлиги билдирди.
Маалыматка ылайык, Ош мамлекеттик университетинин студенттерин мугалимдери административдик ресурс колдонуу менен мажбурлап, 3-ноябрда борбордук аянтта өткөн партиянын үгүт акциясына алып келгени туурасында ЖМКларга сүрөт, видеолор чыккан.
"Маалыматты тактоо үчүн Ош шаардык милициясына сегиз мугалим, 15 студент сурак берди. Студенттердин көбү 18 жашка чыга электиги белгилүү болду. Алар берген көрсөтмөсүндө мугалимдер экскурсияга деген жүйө менен борбордук аянтта өтүп жаткан партиянын тарапташтарынын митингине алып келгенин айтышты. Муну менен административдик ресурс колдонулган", — деп айтылат маалыматта.
Бул факты боюнча Жоруктар кодексинин 87-беренеси (“Административдик ресурс колдонуу”) менен сотко чейинки териштирүү жүргүзүлүп, бир мугалимге кабарлама берилди.
Учурда тергөө бүтүп, андан ары кароо үчүн материалдар сотко жөнөтүлгөн.
Булак: NazarNews.kg
< Предыдущий
Следующий >
Последние новости
