Ош шаарына жакын аймактагы көрүстөндө 40 жаштагы аял 5 бала менен жашап жүргөнү аныктылды. Бул үй-бүлөнү ШИИБдин кызматкерлери «Лидер» рейдинин жүрүшүндѳ табышкан.

«40 жаштагы келин беш бала менен Ош шаарына чектеш жайгашкан Кызыл-Кыштак айылындагы Кылыч-Бурхан көрүстөнүндө мүрзө казгыч кызматкерлер жана жер казуучу куралдарды сактоо үчүн курулган бѳлмѳдѳ жашайт. Бара турган жери жок. Багып жаткан балдардын экѳѳ ѳзүнүн, үчѳѳ каза болгон эжесинин балдары», - деп айтылат Ош ШИИБдин басма сөз кызматынын маалыматында.

Такталган маалыматтар боюнча, анын багуусундагы мектеп курагындагы балдар Оштогу Бабур атындагы мектепте билим алышат деп билдирет Turmush басылмасы.

Булак: NazarNews.kg