28-ноябрда өтүүчү Жогорку Кеңештин депутаттарын шайлоо боюнча добуштардын жыйынтыгы 18-декабрга чейин чыгарылат. Бул маалыматты Борбордук шайлоо комиссиясынын төрайымы Нуржан Шайлдабекова Бишкектеги иш-чарада айтты.

Төрайым - үгүт иштери 29-октябрда баштала турганын кошумчалады. «Үгүт иштери 27-ноябрга чейин уланат. Добуш берүү күндөрү — 27-28-ноябрь. 27-ноябрда айрым жарандар үчүн шайлоо түйүнүнөн тышкаркы аймактарда добуш берүү өтөт. Шайлоонун жыйынтыгын 18-декабрга чейин чыгарабыз», - деди төрайым.

Бул шайлоодо 54 депутат партия тизмелери аркылуу, 36 депутат бир мандаттуу округдардан шайланат.

Булак: NazarNews.kg