Польша Украинага танктардын чоң партиясын тапшырганын Польшанын маалымат каражаттары жазып чыгышты.

Польшанын радиосунун билдиргенине караганда, кеп 200 Т-72 танкы жөнүндө болуп жатат. Бул сан эки танк бригадасын жабдууга жетет деп белгилешет жергиликтүү басылмалар.

Ошондой эле жалпысынан Варшава Киевге 7 миллиард злотыйга (1,5 миллиард долларга жакын) аскердик техниканы өткөрүп бергени маалымдалган.

Украинага бир нече ондогон жөө аскерлердин согуштук машиналары жөнөтүлгөнү көрсөтүлгөн. Ошондой эле - 2S1 "Гвоздика" өзү жүрүүчү гаубицалары, "Град" көп учуруучу ракеталык системалары, Су-27 жана МиГ-29 учактары үчүн аба-аба ракеталары.

Айрым маалыматтарга караганда, Украина польшалык WB Electronics компаниясынан учкучсуз учактарды жана Польшадан Piorun адам менен жүрүүчү абадан коргонуу системаларын алган.

Булак: NazarNews.kg