Президент Сооронбай Жээнбеков атамекендик ишкерлер менен жолугушуп, алардын маселелерин талкуулоого даярданууда. Бул тууралуу Ишкерлер биримдигинин мүчөсү Михаил Халитов фейсбуктагы баракчасына жарыялады.

Бул маалыматты президенттин маалымат кызматы тастыктады. Алардын айтымында, өлкө башчынын ишкерликтин өкүлдөрү менен жолугушуусу жакынкы аралыкта өтөт. Так датасы жана катышуучулардын болжолдуу тизмеси азырынча белгисиз.

Сооронбай Жээнбеков президенттикке киришкенден бери алгач медиа өкүлдөрү, кийин жарандык коомдун өкүлдөрү менен жолугушкан. Анын бул демилгелери коомчулукта чоң колдоолого алынган.

Булак: NazarNews.kg