Президенттик администрациянын имаратынын курулушуна байланыштуу президенттин иш башкармалыгы төмөнкүлөрдү билдирет: КР президентинин администрациясынын жаңы имаратынын курулушун ата-мекендик «TS Group» компаниясы жүргүзөт.

Азыркы учурда жаңы имарат куруу үчүн алмаштырыла турган 16 га аянттагы жер тилкеси боюнча кошумча комиссиялык баа (экспертиза) жүргүзүлүүдө. Эгер 16 гектар жердин баасы административдик имараттын иш жүзүндөгү наркынан ашып кетсе, курулуш компаниясы башка зарыл объектилерди куруу боюнча кошумча кызматтарды көрсөтөт.

Белгилей кетсек, 16 гектар жерге шаардын азыркы планында - интеграцияланган, өнүккөн инфраструктурасы бар заманбап көп функционалдуу комплекс курулат», - деп жазылган. Эске салсак, үстүбүздөгү жылдын 15-апрелинде президенттик администрациянын Бишкек шаарындагы жаңы имаратынын курулушуна капсула салынган.

Булак: NazarNews.kg