Путин 23-августта БРИКСтин саммитине аралыктан катышат

Журналист: АЙСУЛУУ ТАЛАНТ

21.07.2023, 5:25

13258

дүйнө жүзүндө

Орус президенти Владимир Путиндин БРИКС саммитинде аралыктан сүйлөй турчу сөзү 23-августка белгиленген. Президент саммиттин бардык талкууларына катышат, деп билдирди түштүк африкалык БРИКСтин Шерпа Анил Суклал SABC телеканалында.

Суклалдын айтымында, Владимир Путин саммитке катышуу үчүн Түштүк Африкага келбөөнү өз алдынча чечкен.

БРИКСтин саммити 22-24-августта Йоханнесбургда өтөт. Орусия менен Түштүк Африка Республикасы Владимир Путиндин катышуусунун варианттарын Эл аралык кылмыш соту аны камакка алууга ордер чыгарган март айынан бери талкуулап жатат (Түштүк Африка Эл аралык кылмыш сотунун юрисдикциясында).

19-июлда Түштүк Африканын президенти Сирил Рамафосанын кеңсеси орус президенти саммитке келбей турганын, ал эми орус делегациясын тышкы иштер министри Сергей Лавров өкүлдүк кылаарын билдирди. Кийинчерээк Кремль Путин саммитке видеобайланыш аркылуу катыша турганын тактаган.

Булак: NazarNews.kg