Түркиянын президенти Тайип Эрдоган орус кесиптеши Владимир Путин аны сентябрда Өзбекстанда өтүүчү ШКУнун жыйынына чакырганын билдирди.

Белгилей кетсек, ШКУнун саммити 15-16-сентябрда Самаркандда өтөт.

"Сентябрда Шанхай бештиги Өзбекстанда жолугушат. Биздин жолугушууда (Сочиде) Путин мырза дагы суранды: мүмкүн болсо, ал жердеги жолугушууга катышабыз деп ишенем. Биз ар дайым келгиле, ошолор менен бирге бололу" "Шанхай бештиги" мүчө, байкоочу же диалог боюнча өнөктөш катары деп айтып келебиз. Мисалы, Кытай келет, Сауд Аравиясы башка тарапка келет, Катар келет. Биз алар менен бирге болууга аракет кылабыз. Эгерде өзгөчө эч нерсе болбосо, мен да ошол жерде болом деп үмүттөнөм", - деди Эрдоган.

ШКУ 2001-жылы негизделген эл аралык уюм. Ага Индия, Казакстан, Кытай, Кыргызстан, Орусия, Тажикстан, Пакистан жана Өзбекстан катышууда.

Байкоочу өлкөлөр - Ооганстан, Беларусь, Иран жана Монголия, өнөктөш өлкөлөр - Азербайжан, Армения, Камбоджа, Непал, Түркия жана Шри-Ланка. 2021-жылдын сентябрында Дүйшөмбү шаарында өткөн ШКУ саммитинде Иранды уюмга кабыл алуу жана Египет, Катар жана Сауд Арабияга диалог боюнча өнөктөш статусун берүү процедурасы башталган.

Эске салсак, быйыл Беларусь ШКУга толук кандуу мүчө катары кирүүгө расмий арыз берген.

Булак: NazarNews.kg