www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Россиянын президенти Владимир Путин Сириянын президенти Башар Асадга Хомс шаарындагы аскердик окуу жайга жасалган терактка байланыштуу көңүл айтты.
"Урматтуу президент мырза, Хомс шаарындагы аскердик окуу жайга жасалган теракттын кайгылуу кесепеттерине байланыштуу көңүл айтуубузду кабыл алыңыз. Курман болгондордун арасында аялдар жана балдар көп болгон бул ырайымсыз кылмышты биз чечкиндүү түрдө айыптайбыз. Анын уюштуруучулары татыктуу жазасын алат деп ишенебиз", - деп айтылат Кремлдин сайтында жарыяланган билдирүүдө.
Путин Россия терроризмдин бардык формаларына жана көрүнүштөрүнө каршы күрөштө сириялык өнөктөштөрү менен тыгыз кызматташууну улантуу ниетинде экенине ишендирди.
"Курман болгондордун үй-бүлөлөрүнө көңүл айтуу жана колдоо сөздөрүн жеткиришиңизди, ошондой эле бардык жаракат алгандардын тезирээк сакайып кетүүсүн каалайбыз", - деп кошумчалайт Россия Федерациясынын президенти.
Эске салсак, Сириянын Коргоо министрлиги Хомс шаарындагы аскердик колледжге аскерлердин бүтүрүү аземинде учкучсуз учактын бомбаланган чабуулу болгонун билдирди. Акыркы маалыматтарга караганда, кеминде 80 адам каза болуп, 240 адам жаракат алган.
Булак: NazarNews.kg
< Предыдущий
Следующий >
Последние новости
