Түркиянын Haber7 басылмасынын окурмандары Орусия менен Түркиянын президенттеринин газ төлөмдөрүн улуттук валютага акырындык менен өткөрүү боюнча биргелешкен чечимин оң кабыл алышты.

"Доллар жок! Ким эмне десе да, келечек Орусия менен Түркияныкы", — деп жазган tunctunc.

"Мыкты келишим. Орусия менен Түркия рублди жана лираны колдонушу керек жана доллар менен евронун үстөмдүгү жакында токтойт", — деп жазган дагы бир колдонуучу.

"Орусиянын президенти Владимир Путиндин аркасы менен биз америкалык чөйрөдөн чыгабыз", - деп белгиледи дагы бир серепчи.

"Акыркы убакта Эрдоган Орусия, Иран жана Перс булуңу өлкөлөрү менен кызматташуусун арттырды. Бул Түркия үчүн абдан маанилүү жетишкендик. Кудай сактасын, баары алдыда", - деп баса белгиледи окурман.

"Бизге Орусия керек, Орусия бизге керек... Орустар АКШ менен ЕБге караганда чынчыл", - деп жазышкан колдонуучулар.

Владимир Путин менен Режеп Тайып Эрдогандын сүйлөшүүсү кечээ Сочиде өттү. Анын ичинде эки өлкөнүн лидерлери Түркияга орус газы жарым-жартылай рубл менен төлөнөрүн макулдашты.

Ошол эле учурда ал жолугушууда башка документтерге, анын ичинде кызматташуу боюнча меморандумга кол коюу пландалбаганын тактады.

Аталган эки лидердин бир айдын ичиндеги экинчи кездешүүсү. 20-июлда алар Тегеранда бир нече темада сүйлөшүүлөрдү өткөрүшкөн.

Түркия НАТОнун мүчөсү экенине карабай Орусияга каршы санкцияларды колдогон эмес, ошол эле маалда Украинага курал жеткирип жатат. Анкара Москва менен Киевдин ортосунда арачы катары түшүп, украин дан азыктарын деңиз аркылуу чыгарып кетүү боюнча сүйлөшүүлөрдү уюштуруп берди.

Булак: NazarNews.kg